SÍYLÍQLARÍŃÍZ QUTLÍ BOLSÍN!

Jańa Ózbekstan tariyxındaǵı ullı hám belgili sáne-Watanimiz ǵárezsizliginiń otız jıllıq bayramın xalqımız úlken quwanısh penen kútip almaqta.
«Ózbekstan Respublikası Ǵárezsizliginiń 30 jıllıǵı» estelik belgisi menen sıylıqlaw haqqındaǵı Ózbekstan Respublikası Prezidentiniń Pármanı menen elimizde jańa demokratiyalıq mámleket, puqaralıq jámiyetin payda etiw jolında jıllar dawamında ámelge asırılǵan úlken wazıypalar, erisilqen joqarı nátiyjelerde túrli taraw hám tarmaqlarda pidákerlik penen miynet etip atırǵan watanlaslarımız «Ózbekstan Respublikası Ǵárezsizliginiń 30 jıllıǵı» estelik belgisi menen sıylıqlandı. Solar qatarında bul siyliq biziń rayonımizdan da bir qatar jerleslerimizge nesip etti.

Estelik belgilerin rayon hákimi Jambul Adilov óz iyelerine saltanat penen tapsirdı.

Gulnara DÁWLETMURATOVA