Birden-bir interaktiv mámleketlik xızmetler portalınan paydalanıw tártibi boyınsha oqıw-seminarı ótkerildi
Ózbekstan Respublikası Prezidentiniń 2022-jılı 28-yanvar kúni «2022 — 2026-jıllarǵa mólsherlengen jańa Ózbekstannıń rawajlanıw strategiyası haqqında»ǵı PF-60-sanlı Pármanı qabıl etildi. Párman menen 100 maqsetten ibarat 2022 — 2026- jıllarǵa mólsherlengen jańa Ózbekstannıń rawajlanıw strategiyası tastıyıqlandı. Strategiyanıń 9-maqsetinde «Elektron húkimet sistemasın rawajlandırıw, elektron mámleketlik xızmetler úlesin 100 payızǵa jetkeriw hámde byurokratiyanı saplastırıw» boyınsha tiyisli taraw wákillerine bir qatar tapsırmalar belgilep berildi.
Bul óz gezeginde Mámleketlik xızmetler orayları tárepinen kórsetilip atırǵan xızmetlerdi elede jetilistiriw hámde rawajlandırıw, puqaralardıń artıqsha waqtın hám qárejetlerin tejew, eń baslısı korrupciya hám byurokratiyanıń aldın alıw boyınsha bir qatar wazıypalardı júkleydi.
Taxtakópir rayonı Mámleketlik xızmetler orayı xızmetkerleri tárepinen rayon aymaǵındaǵı puqaralar jıyınlarında, ulıwma bilim beriw mektepleri hámde mektepke shekemgi bilimlendiriw shólkemlerinde «Elektron húkimet» sisteması xızmetlerinen paydalanıw, talap eń joqarı bolǵan mámleketlik xızmetlerin zamanagóy málimleme-kommunikaciya texnologiyalarınan, sonıń ishinde Birden-bir interaktiv mámleketlik xızmetler portalınan paydalanǵan halda alıw kónlikpelerin qáliplestiriw boyınsha turaqlı túrde oqıw-seminarlar ótkerilip kelinbekte.
Ózbekstan Respublikası Prezidentiniń 2022-jılı 19-yanvar kúngi «Máhállelerde jaslar menen islesiw sistemasın túpten jetilistiriw is-ilájları haqqında»ǵı PQ-92-sanlı qararı menen hár bir máhállede jaslar jetekshisi lawazımı engizildi. Rayondaǵı máhállelerde saylanǵan jaslar jetekshilerine rayonlıq Xalıq bilimlendiriw bólimine qaraslı 6-sanlı mektepte Birden-bir interaktiv mámleketlik xızmetler portalınan dizimnen ótiw, bul portalda mámleketlik xızmetlerden elektron paydalanıw tártibi, mámleketlik xızmetlerden elektron paydalanıwdaǵı abzallıqları haqqında keń túrde túsinikler berildi.
P.Reymkulov
Taxtakópir rayonı Mámleketlik
xızmetler orayı direktorı
