JASLAR FORUMÍ JAŃALÍQLARÍ

#Ózbekstan_jasları_forumı_2021 sheńberinde respublikamız boylap hár qıylı ilajlar, tańlawlar shólkemlestirilip atır. Forumdı ótkeriw dawamında sport jarısları, jas shabandozlar arasında jámáátlik oyınlar, jumıssız jaslar arasında "Zeyinli kitapqumar"intellektual tańlawı, "Bilimliler arenası", "Duel", "Kewilli jaslar" quwnaqlar hám ziyrekler tańlawları, alıs awıllarda jasawshı jaslardıń muzeyler menen teatrlarǵa saparı rejelestirilgen.

Taxtakópir rayonında usı forum tiykarında "Dáwqara" stadionında aymaqlardaǵı 18-30 jastaǵı jaslar arasında sporttıń «Street workout»  túri boyınsha jarıs ótkerildi. Jarısqa rayon aymaǵınan jámi 45 jas qatnastı. Jarıs juwmaǵında 1-orındı «Taxtakópir» posyolkalıq puqaralar jıyını turǵını jeńimpaz dep tabıldı.
              *    *    *   *
Ózbekstan jaslar isleri agentligi Taxtakópir rayonlıq bólimi hám Jaslar awqamı Taxtakópir rayonlıq Keńesi menen birgelikte forum sheńberinde jaslardıń bos waqıtların mazmunlı shólkemlestiriw, olardıń kitap oqıwǵa bolǵan qızıǵıwshılıǵın ele de arttırıw maqsetinde  «Bilimliler arenası» atamasında bilim ring oyını shólkemlestirildi. Onda ulıwma bilim beriw mektepleriniń oqıwshı hám oqıtıwshıları, rayonlıq Ishki isler bólimi, Barkamal awlad balalar mektebi, rayonlıq mádeniyat bóliminen jámi 22 komanda qatnasıp, 150 den aslam jaslar qamtıp alındı. Bul saparı da 3-sanlı qánigelestirilgen mámleketlik ulıwma orta bilim beriw mektebinen dúzilgen «Sunami» komandası birinshilikti qolǵa kirgizdi hám Qaraqalpaqstan Respublikalıq basqıshına jollama aldı.
Jaslar forumı sheńberinde rejelestirilgen ilaj talapları rayonda ele dawam ete beredi.

D.ASENOV