Қарақалпақстан Республикасы Министрлер Кеңесиниң 2020-жыл 10-сентябрь күнги 248-санлы қарарының орынланыўын тәмийинлеў ҳаққында
Өзбекстан Республикасы Министрлер Кабинетиниң 2019-жыл 28-январьдағы 63-санлы қарары менен тастыйықланған Нызамының 27-бәнти ҳәм Өзбекстан Республикасы «Жергиликли мәмлекетлик ҳәкимият ҳаққында»ғы Нызамының 6-статьясына муўапық,
ШЕШИМ ЕТЕМЕН:
- Қарақалпақстан Республикасы Министрлер Кеңесиниң 2020-жыл 10-сентябрь күнги ««E-IJRO AUKSION» электрон саўда майданшасында жеке тәртиптеги үй-жай қурылыс ушын жер майданларына мийрас етип қалдырылатуғын өмирлик ийелик етиў ҳуқықын (0,01 га майданға) сатыўдың 2020-жыл III шереги ушын басланғыш баҳасын тастыйықлаў ҳаққында»ғы 248-санлы қарары орынлаў ушын басшылыққа алынсын.
- Қарақалпақстан Республикасы Министрлер Кеңесиниң жоқарыда көрсетилген қарары менен:
а) Қарақалпақстан Республикасы ҳәр бир район ҳәм қала бойынша жер майданларының жайласқан аймағынан келип шығып, «E-IJRO AUKSION» электрон саўда майданшасында аукционға шығарылатуғын жеке тәртиптеги үй-жай қурылысы ушын жер майданларына мийрас етип қалдырылатуғын өмирлик ийелик етиў ҳуқықын (0,01 га майданға) сатыўдың 2020-жыл III шереги ушын басланғыш баҳасы мағлыўмат ушын қабыл етилсин.
- Район ҳәкиминиң орынбасары Д.Жумабаевқа жеке тәртиптеги үй-жай қурылысы ушын жер майданларына мийрас етип қалдырылатуғын өмирлик ийелик етиў ҳуқықын сатыўдың басланғыш баҳасын есаплаўда Қарақалпақстан Республикасы Министрлер Кеңесиниң 2020-жыл 10-сентябрь күнги 248-санлы қарарының қосымшасында көрсетилген баҳалар тийкарында әмелге асырыў ўазыйпасы тапсырылсын.
- Тахтакөпир районы ҳәкимлигиниң баспа-сөз хызмети баслығы Г.Давлетмуратоваға усы шешимди «Тахтакөпир таңы» газетасы ҳәм Тахтакөпир районы ҳәкимлигиниң веб сайты арқалы кеңнен жариялансын.
- Усы шешим жәрияланған күннен баслап өз күшине кириўи белгилеп қойылсын.
- Усы шешимниң орынланыўын қадағалаў район ҳәкиминиң орынбасары Д.Жумабаевқа тапсырылсын.
Тахтакөпир районы ҳәкими: Ж.Адилов
№ 768 13-сентябрь 2020-жыл
