АЎЫЛЛАРДА БАЙРАМ СЕЙИЛЛЕРИ (АБАТЛЫҚ ШАҢАРАҚЛАРДАН БАСЛАНАДЫ)

Той-мереке ҳәм қутлы сәнелер алдынан абаданластырыў ислерин әмелге асырыў халқымызға тән әдет.

Сол себепли Наўрыз әййямы алдынан көшелер, мәҳәллелерде абаданластырыў жумыслары алып барылады.

Ал жасы үлкенлер-жасларға ибрат мектеби. Мәҳәлле белсендилери ҳәм жасы үлкен инсанлардың басшылығында мийнетке жарамлы ҳәр бир пуқара улыўма халықлық шембиликке өзиниң үлесин қосты.

«Тахтакөпир» аўыл пуқаралар  жыйыны халқы да усындай бир-биреўи менен бир шаңарақтың перзентлериндей болып мийнетте мол табыслары менен байрамды ылайықлы күтип алды. Байрам ушын арнаўлы тағамлар көргизбеси, миллий саз-сәўбетлер жыйналған халықты және де қуўанышқа бөледи.