TÁBIYATTÍ QORǴAW-WAZIYPAMÍZ

Tabiyattı qorǵaw nızam menen belgilenǵen. Hár bir mámlekette qorshaǵan ortalıqtı qorǵawǵa arnawlı nızamlar bar. Bul nızamlar hawa, suw,  jerdi pataslamawǵa, tabiyiy baylıqlardı dúrıs paydalanıwǵa qaratılǵan.
Ekologiyalıq nızamlardı saqlaw-tabiyattı saqlawdıń eń áhmiyetli jollarınıń biri. Eger biz nızamǵa ámel etsek, tabiyat ta bizdi qorǵaydı. Al nızamdı buzıw-qorshaǵan ortaǵa zıyan keltiriw degendi bildiredi.
Sonlıqtan hár birimiz tabiyattı qorǵap, nızam talaplarına ámel etiwimiz kerek. Tabiyat-biziń ortaq úyimiz. Onı taza saqlaw-keleshek áwlad  aldındaǵı juwapkershiligimiz. Usı múnasibet penen mektebimizde 8-9-10-klasslar arasında «Siz ekologiya nızamların bilesizbe”? atlı jarıs shólkemlestirildi.
Jarıs shártleri tómendegilerden ibarat boldı:
1.Sàlemnama;
2.Soraw-juwap;
3.Tábiyat tuwralı kórinis. 
Jarıs juwmaǵında 8-klasstıń «Ekoleif» komandası jeńimpaz dep tabıldı hám estelik sawǵa jáne “Húrmet jarlıǵı” menen sıylıqlandı.

Nazira ESENOVA
16-sanlı mekteptiń tábiyiy pán muǵallimi